Hinete laban sa droga-Balita

Ni: Celo Lagmay

HINDI ko ikinagulat ang utos ni Pangulong Duterte na ipaubaya na lamang sa Philippine Drug Enforcement Agency (PDEA) ang pangkalahatang kampanya laban sa illegal drugs – users, pushers at drug lords. Ang pagiging “lead agency” ng naturang ahensiya ay itinatadhana ng batas at dapat ipatupad ngayon lalo na kung isasaalang-alang ang adhikain ng administrasyon hinggil sa pagpuksa ng bawal na droga.

Manapa, nais kong maniwala na ang naturang utos ay naglalayong lalong paigtingin ang paglipol sa mga salot ng lipunan. Magiging katuwang ng PDEA sa makabuluhang misyong ito ang Philippine National Police (PNP) na dating namahala sa anti-drug campaign, National Bureau of Investigation at iba pang ahensiyang panseguridad na inaatasang mangalaga sa katahimikan ng mga komunidad at ng mismong mga mamamayan.

Hindi ito nangangahulugan na mistulang naging inutil ang PNP sa pagsugpo ng illegal drugs. Katunayan, 71 porsiyento ng sambayanan ang naniniwala sa pagiging epektibo ng mga pulis laban sa mga sugapa sa bawal na droga na walang patumangga sa paghahasik ng karahasan.

Maaaring layunin ng utos ng Pangulo na ilayo lamang ang PNP sa hindi kanais-nais na impresyon kaugnay ng sinasabing extrajudicial killings (EJKs); ng umano’y kaliwa’t kanang pagpaslang sa mga hinihinalang nanlaban sa mga alagad ng batas.

Ang sistemang ito ay magugunitang inalmahan ng ilang sektor, lalo na ng mga grupong panrelihiyon. Bagamat ang mga ito ay hindi tumututol sa paglipol ng mga sugapa sa droga, nais nila na dakipin na lamang ang mga suspek at hindi dapat patayin. Paano naman kung nalalagay sa panganib ang buhay ng mga alagad ng batas na may tungkuling labanan ang mga kriminal at iba pang mapanganib na salot ng lipunan?

Ang pagiging hinete ng PDEA, wika nga, ay hindi garantiya upang maiwasan ang madugong... kampanya laban sa droga.

Masyadong talamak ang mga lulong sa droga sa ating mga komunidad; karamihan sa mga adik ay may mga isipang kriminal na handang makipagpatayan, tulad ng ating malimit masaksihan. Hindi ko matiyak kung ano ang gagawin ng PDEA agents kapag sila ay nasuong sa gayong panganib sa kanilang buhay.

Natitiyak ko rin na ang ganitong mga eksena ay hindi ikabibigla ng Pangulo. Siya mismo ang malimit magpahiwatig na kailangang masugpo ang problema sa droga sa lahat ng paraan. Hindi siya titigil hanggang hindi nalilipol ang pinakahuling sugapa sa droga.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...