Ni Danny J. Estacio
CALATAGAN, Batangas – Ibinulagta ng dalawang katao ang bise presidente ng isang organisasyon ng mga magsasaka at mangingisda sa bayang ito, nitong Sabado ng gabi.
Ayon sa awtoridad, kausap ni Engracio delos Reyes, 61, ang kanyang misis, si Ana, sa kusina ng kanilang bahay sa Barangay Baha nang barilin ng mga suspek.
Agad namatay ang biktima habang mabilis na nagsitakas ang mga suspek.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Isa si Delos Reyes sa mga pinuno ng Samahan ng Maliliit na Mangingisda at Magsasaka.
Nagsagawa ng mga checkpoint ang mga pulis sa paligid ng bayan.
Inaalam ng mga imbestigador kung sino ang mga nasa likod ng pamamaslang.
