Ni ADOR SALUTA
DUMAING ng sakit sa likod ang It’s Showtime hurado na si Jolina Magdangal kamakalawa, kaya agad siyang itinakbo sa ospital ng asawang si Mark Escueta.
Ibinahagi ni Mark sa Instagram account ni Jolina na nagreklamo ng back pains ang asawa niya.
Classic movie ‘Ipaglaban Mo!’, ipinalabas ng CCP bilang kampanya vs VAWC
“Hi, si Mark ito. Ako na muna ang nag-post sa IG ni Jolina. Kaninang 6:30 am nagising si Jolina dahil masakit daw ang lower back niya, hanggang harapan. Nandito na naman kami sa ER. May additional tests na kailangang gawin. Please pray that it’s nothing serious, at hindi rin complication nu’ng aksidente nu’ng Monday. Maraming salamat.”
Umaasa si Mark na simpleng back pains lang ang idinadaing ni Jolina at hindi epekto ng aksidente sa kanila noong nakaraang linggo habang ihahatid sila sa airport papunta ng HongKong.
