SAGOT ba ang pagpapanggap para makatagpo ng magmamahal?
Ito ang sasagutin sa napapanahong episode ng Maalaala Mo Kaya tampok si Elisse Joson na gaganap bilang babaeng nagpanggap sa Facebook upang maranasang ibigin at purihin ng ibang tao.
Sa isang tingin pa lamang, hindi matatawag na ideal girl ng karamihan si Rose (Elisse) dahil sa kanyang pangangatawan. Bagamat marami namang kaibigan, mas nangingibabaw sa kanya ang masasakit na salitang kanyang natatanggap.
Dating ALS learner, isa nang ganap na police officer
Isang araw, napagpasyahan niyang gumawa ng pekeng Facebook account gamit ang larawan ng kanyang pinsan. Sa paggamit ng naturang account, naranasan niyang makatanggap ng papuri at maramdamang isa siyang magandang babae.
Pampalipas oras lang ang lahat hanggang sa nakilala niya si Josh (McCoy de Leon), ang lalaking nagkainteres at nagpatibok ng puso niya. Ngunit paano niya mapapanatili ang relasyon niya kay Josh? Ano ang mangyayari kapag nalaman ni Josh ang tunay niyang pagkatao? Manaig kaya ang pagmamahal niya kay Rose o kasusuklaman ito?
Makakasama ng McLisse sa upcoming episode sina Ara Mina, Chienna Filomeno, Axel Torres, Igiboy Flores, Patrick Sugui, Vin Abrenica, Ysabel Ortega, at Alvin Anson, mula sa panulat ni Jaymar Castro at sa direksiyon ni Raz dela Torre.
Abangan sa Sabado ng gabi sa ABS-CBN ang MMK, ang longest-running drama anthology sa Asya.
