DUMAGUNDONG ang mga hiyawan at palakpakak ng umaabot sa 10,000 live audience ang Smart Araneta Coliseum nang ipagdiwang ang silver anniversary ng Star Magic nitong nakaraang Linggo.
Pinangunahan ng naglalakihang stars na sina Piolo Pascual, Bea Alonzo, Angelica Panganiban, Jericho Rosales, Jodi Sta. Maria at John Lloyd Cruz ang pinakamalaking selebrasyon ng ABS-CBN talent development and management agency.
Hitik sa mga pasabog na production numbers, acrobatic stunts, at trending performances ng talented singers, dancers at comedians ang programa na live napanood sa ASAP ang unang bahagi nitong Linggo.
ALAMIN: Mga dapat malaman at gawin upang maging ligtas sa ‘tsunami’
Nayanig ang Big Dome sa walang humpay na sigawan ng supporters ng mga sikat na love teams ng Star Magic na kinabibilangan ng Kimerald, LizQuen, KathNiel, JoshLia, ElNella, BaiLona, LoiNigo, McLisse, NLex, MayWard, at KissMarc.
Hinarana ang audience ng Star Magic leading men na sina Matteo Guidicelli, Joseph Marco, Ejay Falcon, Jason Abalos, Carlo Aquino, Enchong Dee, JC de Vera, Jake Cuenca, ZanjoeMarudo, Paulo Avelino, Gerald Anderson at Sam Milby, kasama ang mga susunod na henerasyon ng leading men na sina Mccoy de Leon, Marco Galo at Joshua Garcia.
Nagpasiklaban naman sa dance floor ang sought-after female at boy groups na IT Girls, ASAP IG, Gimme 5, ASAP BFF5, Coverboys, kasama ang Hashtags, GirlTrends at Star Magic Kids. Hindi rin nagpatalo ang mga belter na Star Magic teens na sina Lyca Gairanod, JK Labajo, Sam Shoaf, Elha Nympha at Darren Espantosa sa LSS segment ni JolinaMagdangal.
Hagalpakan sa kakatawa ang audience sa short comedy skit na pinangunahan nina Pokwang, Sweet, Chokoleit, Jayson Gainza, Eric Nicolas, AloraSasam, KirayCelis, Kitkat, Igi Boy Flores, Janus del Prado, Empoy, Ketchup Eusebio, Janus del Prado at Angelica Panganiban.
Napanood naman sa isang seksi at sizzling dance number sina Maja Salvador, Jake Cuenca, JessyMendiola,Vin Abrenica, Arci Muñoz, Joseph Marco, Ritz Azul, Daniel Matsunaga at Jake Cuenca kasama ang ASAP New Generation’s Coverboys.
Mala-Pitch Perfect song number naman ang ipinamalas ng seasoned singers na sina Liezel Garcia, Bugoy Drilon, Sue Ramirez, Kristel Fulgar, CJ Navato, Marlo Mortel, Markki Stroem, Tippy dos Santos, Sam Concepcion, Yohan Wang, Renee Pionso, at Marion Aunor. Hindi rin nagpaawat sa kanilang Broadway medley sina Nyoy Volante, Richard Poon, Erik Santos, Angeline Quinto , Jed Madela at Vina Morales.
Opisyal ring ini-launch nang araw na iyon ang all-star anniversary music video ng anniversary theme song ng Star Magic na Ikaw Ang Magic ng Buhay Ko, na kinanta nina Yeng Constantino, Young JV, KZ, Klarisse de Guzman, Jona, Jason Dy, Erik Santos, Angeline Quinto, Darren Espanto, Jed Madela at PioloPascual, kasama ang love teams na sina Liza Soberano at Enrique Gil, Kathryn Bernardo at Daniel Padilla. Ang Ikaw Ang Magic ng Buhay Ko ay komposisyon ni Young JV at lyrics ni J.Lukban.
Big achievement rin ng Star Magic ang kauna-unahang Star Magic Hub (http://starmagic.abs-cbn.com/) , ang bagong go-to portal na puwedeng puntahan ng supporters para sa latest updates tungkol sa kanilang Star Magic idols. Ang website ay magsisilbi ring venue para makapag-audition ang sinumang nangangarap na maging artista ng Star Magic.
Marami pang pasabog at reunion of stars sa part two episode ng Star Magic’s silver anniversary celebration sa ASAP ngayong Linggo, May 28.
Dalawin ang official Star Magic Facebook page www.facebook.com/starmagicphils and follow @starmagicphils sa Twitter at Instagram para sa live updates tungkol sa iba pang Star Magic 25 events.
