Ni NITZ MIRALLES
Nagpalungkot pang lalo sa sumubaybay sa fantaserye ang caption ni Direk Mark na, “All good things...#encantadia #encamania.”
Marami sa Encantadiks ang hindi pa handa sa pagwawakas ng bagong Encantadia at ngayon pa lang, may separation anxiety na sila. Ano na lang daw ang gagawin nila ‘pag wala na sa ere ang favorite TV show nila?
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
May nagre-request na i-extend pa ang show, pero ang sagot ni Direk Mark, “Mulawin has to fly.”
Ang tinutukoy niya ay ang Mulawin vs. Ravena na papalit sa Encantadia at magpa-pilot sa May 22.
Mayroong tanggap na ang pagtatapos ng Encantadia, pero nagre-request na sa final episode, ibalik sana si Kylie Padilla bilang si Reyna Amihan. Malabo lang ito dahil malaki na ang tiyan ni Kylie at baka mahirapan siyang mag-taping. Pero, malay din natin....
Sa episode ng Encantadia last week, lumabas na ang pagbabalik ni Reyna Mine-a (Marian Rivera), kaya lang, hindi niya makilala ang mga anak na Sang’gre at kinalaban pa.
Heartbreaking sa fans ng fantaserye ang eksena na isa-isang sinaktan ni Mine-a ang mga anak na Sang’gre. Pati ang katotohanang hindi niya alam na patay na si Amihan.
Sa mga susunod na episode, bago magtapos ang Encantadia, babalik na rin si Raquim (Dingdong Dantes), ang ama nina Amihan (Kylie) at Danaya (Sanya Lopez).
Siya nga kaya ang magiging rason para manumbalik ang alaala ni Mine-a at makilala ang mga anak?
Nagsimulang umere ang bagong Encantadia noong July 18, 2016 at sa pagtatapos nito sa May 19, bale, 11 months tumakbo ang fantaserye. Tanong tuloy ng fans, bakit hindi pa pinaabot ng July 18, 2017 ang pagtatapos ng show para isang taon ang airing?
May pinost din si Direk Mark na pirated DVD copy ng Encantadia at sabi nito, “The benchmark of success. But please NEVER support video piracy.”
