Posibleng maipatapon din sa Basilan ang isang pulis na nakulong dahil sa panunutok ng baril sa kanyang mga kainuman, kahapon ng madaling araw.
Nahaharap sa mga kasong grave threat at alarming scandal si PO1 Naive Panican, 32, nakatalaga sa University Belt Area sa Maynila, at residente ng Block 9-C, Lot 14, Phase 2, Area 3, Hito Street, Barangay Longos.
Base sa reklamo ni Geomel Nazareno, 26, ng Block 9-B, Lot 14, Area 3, bandang 4:00 ng madaling araw, kainuman niya si Panican kasama ang iba pa nilang kaibigan sa Block 9, Hiwas St.
Marahil sa dami ng nainom na alak, nagwala ang pulis at naghamon ng away hanggang sa tinutukan nito ng baril si Nazareno.
Bagyo sa labas ng PAR, pinangalanan nang ‘Romina’; Signal #1, itinaas sa Kalayaan Islands
Tumawag sa Police Community Precinct-3 ang mga kainuman nina Panican at Nazareno at tuluyang pinosasan ni Panican.
(Orly L. Barcala)
