Laro Ngayon
(MOA Arena)
7 n.g. -- Star vs Ginebra
PANGKARANIWAN na sa Ginebra Kings ang sitwasyong kinalalagyan dahilan upang ibigay sa kanila ang pagiging liyamado laban sa Star Hotshots sa kanilang paghaharap sa ‘do-or-die’ Game Seven ng OPPO-PBA Philippine Cup semi-final ngayon sa MOA Arena.
'Pikon daw?' UAAP fan na nag-dirty finger, agaw-eksena sa San Juan Arena!
Nakatakda ang sagupaan ganap na 7:00 ng gabi at asahan ang pagdagsa ng barangay para saksihan ang isa pang kasaysayan – kung magaganap -- sa panig ng Kings.
“Basically Game 7 is anybody’s game, whoever comes out and have a better night is gonna win,” pahayag ni Kings coach Tim Cone.
Naipuwersa ng Kings ang ‘sudden death’ nang itarak ang 91-67 panalo sa Game Six nitong Linggo.
Mismong si Hotshots coach Chito Victolero ang umamin na bentahe ng Kings ang sitwasyon na hindi na bago sa crowd-favorite. (Marivic Awitan)
