MULING umiskor ng impresibong panalo si WBC Asian Boxing Council Continental super bantamweight champion Jeson Umbal ng Pilipinas nang talunin via 2ndround TKO si dating Universal Boxing Organization All-African titlist Nasibu Ramadhan ng Tanzania kamakalawa ng gabi sa Far East Square sa Singapore.
Tinantiya muna ni Umbal si Ramadhan bago ito ginimbal sa 2nd round ng matinding bigwas ng kaliwa at kaagad na itinigil ni Indonesia referee Rus Ririhena ang sagupaan eksaktong 28 segundo ang natitira sa nasabing yugto.
Ito ang ikalimang sunod na panalo ni Umbal mula nang huling matalo kay dating world rated Mark Anthony Geraldo sa 10-round unanimous decision noong Pebrero 13. sa Buluan, Maguindanao. (Gilbert Espeña)
