TATANGKAIN ng Talk ‘N Text Katropa na makaiwas sa bangin ng kabiguan sa pakikipagtuos sa defending champion San Miguel Beer sa Game Two ng kanilang best-of-five semi-final match-up sa 2017 OPPO-PBA Philippine Cup ngayon sa MOA Arena sa Pasay City.
Nakauna sa serye ang Beermen sa impresibong 111-98 panalo.
Panatag si Beermen coach Leo Austria na malaki ang kanilang tsansa na makakausad sa finals para sa katuparan ng minimithing ikatlong sunod na All- Filipino Cup crown.
Tinutukoy ni Austria ang ipinamalas na teamwork ng Beermen kung saan nagawang mapalobo ng bentahe sa 18 puntos mula sa 16-of-18 shooting sa three-point shot.
Umaasa ang Katropa fans na matatapatan nina Jayson Castro, Ranidel de Ocampo, Larry Fonacier , Kelly Williams, Matf Tosser at Mo Tautuaa ang opensa ng Beermen, sa pangunguna ni MVP candidate Junemar Fajardo. (Marivic Awitan)
