Mga Laro Ngayon
(Moro Lorenzo Field)
2 n.h. -- Ateneo vs NU
4 n.h. -- UE vs UP
May cash incentives din; Karl Eldrew Yulo, tumanggap ng ₱500K mula kay Chavit!
ASAM ng Ateneo na muling makasungkit ng tatlong puntos sa pakikipagtuos sa National University sa pagbabalik ng aksiyon sa UAAP Season 79 men’s football tournament ngayon sa Moro Lorenzo Field.
Mangunguna sa target na ikalawang sunod na panalo ng Blue Eagles si last season best striker Jarvey Gayoso sa laro kontra Bulldogs sa 2:00 ng hapon.
Haharapin naman ng defending champion University of the Philippines, napuwersa sa scoreless draw ng De La Salle sa season opener, ang University of the East sa 4:00 ng hapon.
Binokya ng Ateneo, sa pangunguna ni Gayoso, ang Adamson, 4-0, para makisosyo sa dating kampeon na Far Eastern University sa maagang liderato.
Tatangkain naman ng Bulldogs na makabawi matapos ang 2-2 draw laban sa UE Red Warriors nitong Sabado.
