ISLAMABAD (AFP) – Nagbanta ang defence minister ng Pakistan na gaganti sa anumang nuclear strike ng mga Israeli matapos maloko ng pekeng balita sa isang news site.
Nag-react si Khawaja Asif sa imbentong istorya na inilathala sa website na AWDNews at may headline na: “Israeli Defense Minister: If Pakistan send ground troops into Syria on any pretext, we will destroy this country with a nuclear attack.”
“Israeli def min threatens nuclear retaliation presuming pak role in Syria against Daesh (Islamic State).Israel forgets Pakistan is a Nuclear state too” tweet ng Pakistani minister noong Biyernes.
Agad na nagbigay ng paglilinaw ang Israeli Ministry of Defense, at sumagot noong Sabado na: “@KhawajaMAsif The statement attributed to fmr Def Min Yaalon re Pakistan was never said,” idiniin na: “KhawajaMAsif reports referred to by the Pakistani Def Min are entirely false”.
