SINUBUKANG ireto ni Britney Spears ang kanyang nakababatang kapatid na si Jamie Lynn sa Twilight hottie na si Taylor Lautner.
Ibinunyag ng aktor at ng kanyang co-star sa Scream Queens na si John Stamos ang pumalpak na set-up sa kanilang panayam sa Billboard sa iHeartRadio Music Festival sa Las Vegas noong Sabado.
“Britney tried to fix Taylor up with her sister one time,” ani Stamos.
ALAMIN: Mga dapat malaman at gawin upang maging ligtas sa ‘tsunami’
“A few years ago,” paglilinaw ni Lautner. “A long time ago. We did not go out.”
Bagamat hindi ibinahagi ng dalawa, na nag-introduce sa performance ni Britney sa festival, kung bakit hindi nagtagumpay ang matchmaking, natagpuan naman na ni Jamie Lynn ang kanyang pag-ibig kay Jamie Watson.
Nagpakasal kay Watson ang 25-year-old singer, na naging ina sa edad na 26 sa anak na si Maddie, na ngayon ay edad 8 na, tatlong taon na ang nakakalipas.
Noong Hunyo, ibinahagi sa ET ng mag-asawa ang kanilang hangarin na madagdagan ang kanilang anak at lalo pang lumaki ang kanilang pamilya. “My husband would like to have kids, like, yesterday,” saad ng songstress. (ET Online)
