Mga Laro ngayon

(Smart-Araneta Coliseum)

3:00 n.h. -- Blackwater vs Talk N Text

5:15 n.h. -- Rain or Shine vs Alaska

'Pikon daw?' UAAP fan na nag-dirty finger, agaw-eksena sa San Juan Arena!

Manatiling nasa pedestal ang hangarin ng Talk ‘N Text Katropa sa pakikipagtuos sa Blackwater Elite sa pagpapatuloy ng aksiyon sa PBA Governors Cup ngayon sa Smart Araneta Coliseum.

Ganap na 3:00 ng hapon masusubok ang katatagan ng Katropa na matikas sa four-game winning streak.

Magtutuos naman sa tampok na laban ang Rain or Shine at Alaska sa ganap na 5:15 ng hapon.

Huling tinalo ng TNT ang sister team NLEX, 101-95 para sa ikaapat na dikit na panalo.

Manggagaling ang Elite sa kabiguan sa kamay ng Ginebra, 95-107 na nagbaba sa kanila sa barahang 1-3.

Sa tampok na laban, babangon ang Elasto Painters sa kabiguang nalasap kontra Meralco na nagbagsak sa kanila sa ikalimang puwesto taglay ang patas na barahang 2-2.

At tulad ng Blackwater, magkukumahog ang katunggali ng ROS na Aces na makaahon sa kinalalagyan taglay ang barahang 1-3. (Marivic Awitan)