Naisalba ng San Beda ang matikas na pakikihamok ng Lyceum Pirates tungo sa 91-86 panalo nitong Martes sa NCAA Season 92 men’s basketball tournament sa San Juan Arena.
Kumana si Davon Potts ng pitong sunod na puntos sa huling dalawang minuto ng laro para maibalik ang bentahe sa 88-85 matapos makadikit ang Pirates sa krusyal na sandali.
Naisalpak ni Donald Tankoua ang jumper na nagselyo sa ikalawang sunod na panalo ng Red Lions.
BALITAnaw: Ang dalawang babaeng naging pangulo ng Pilipinas
Kumamada si Potts sa team-high 19 na puntos, habang kumana sina Dan Sara at Arnaud Noah ng 14 at 12 puntos, ayon sa pagkakasunod.
“We need these kinds of games because this team is very young,” sambit ni San Beda coach Jamike Jarin. “In the end we made the big plays.”
Nanguna si Wilson Baltazar sa Pirates sa naiskor na 24.
Naitala naman ni Nigerian import Allwell Oraeme amg team-high 17 puntos at 21 rebound para gabayan ang Mapua kontra St. Benilde, 78-68.
“I told him na lang, get the rebound, play defense, and don’t mind about scoring,” sambit ni Mapua coach Atoy Co.
Iskor:
San Beda (91) - Potts 19, Sara14, Noah 12, Mocon 11, Tankoua 10, Bolick 8, Presibitero 7, Tongco 6, Navarro 2, Soberano 2, Adamos 0, Carlos 0 Optana 0.
LPU (86) - Baltazar 24, Nzeusseu 18, Ayaay 12, Marata 11, ALanes 9, Alban 4, Serafico 4, Bulawan 2, Soliman 2, Malabanan 0, Magbuhos 0.
Quarterscores:
20-16; 42-40; 64-64; 91-86
