Dinakip ng pulisya ang isang bus driver na nagtangkang tumakas matapos mabangga ang isang traffic enforcer sa Valenzuela City nitong Linggo ng umaga.
Kinilala ng pulisya ang suspek na si Angelito Libron, 47, driver ng Star Bus, at tubong Negros Oriental. Hindi naman umabot nang buhay sa ospital si Patrick Labay, 22, ng Barangay Recon, Valenzuela City.
Ayon sa imbestigasyon, dakong 10:00 ng umaga at nagmamando si Labay sa McArthur Highway nang bigla silang mabundol ng humaharurot na bus na minamaneho ni Libron.
Sinabi ng pulisya na tinangka pa umano ng suspek na tumakas sa pamamagitan ng pagsakay sa isang nagdaang jeepney, nang makita nito ang mga papalapit na pulis.
FL Liza Araneta-Marcos, nanguna sa pagbubukas ng ilang atraksyon sa Intramuros
Pinara ng mga pulis ang jeep na sinasakyan ni Libron at dinakip siya. (Jel Santos)
