NAGSIMULA at full blast na ang shooting nina John Lloyd Cruz at Jennylyn Mercado sa movie nila sa Star Cinema sa direction ni Cathy Garcia-Molina. Sa pictures na na-post sa first day shooting, makikitang naka-wig si Jennylyn at ang comment ng netizens, tatak-Cathy daw na naka-wig ang leading lady.
Wala pang sinasabing title at playdate ang pelikula nina John Lloyd at Jennylyn, pero ang nadinig namin, after Holy Week na ang showing ng pelikula.
Nakakaaliw ang nababasa naming comments ng netizens sa pagtatambal nina John Lloyd at Jennylyn, wala na raw bang nakuhang artista ang Star Cinema sa ABS-CBN at taga-Kapuso network ang kanilang kinuha?
Classic movie ‘Ipaglaban Mo!’, ipinalabas ng CCP bilang kampanya vs VAWC
May mga nag-react na bagay ang dalawa, na may chemistry, pero may mga kontra rin. Nangako silang panonoorin ang movie ‘pag ipinalabas na. Good decision daw ng Star Cinema na pagsamahin sa pelikula sina John Lloyd at Jennylyn.
May mga ayaw sa tambalan ng dalawa, hindi raw bagay dahil mas matanda si Jennylyn kay John Lloyd. Pero ang alam namin, mas older si John Lloyd kay Jennylyn, tama ba? (NITZ MIRALLES)
