TACURONG CITY, Sultan Kudarat – Isang lalaking naaktuhang tinatangay ang isang nakaparadang motorsiklo ang dinakip sa lungsod na ito, kamakailan.
Dakong 4:00 ng hapon nitong Disyembre 23 nang agad na maaksiyunan ni PO3 Rodelon Lamintaio ang pagtangay umano ni Dangli Samiana y Ubad, 23 anyos, binata, ng Barangay Tambak, Lambayong, sa nakaparadang motorsiklo ng isa sa mga kostumer ng isang resto bar sa Barangay New Isabela sa Tacurong City.
Nakakulong na ang suspek at nakatakdang sampahan ng kaukulang kaso sa Office of the City Prosecutor sa Lunes.
Sinasabing naging sunud-sunod ang insidente ng pagnanakaw ng motorsiklo sa siyudad ngayong buwan. (Leo P. Diaz)
Probinsya
