ECONOMIC TIGER-Balita

SA kasagsagan ng pagpupulong ng mga delegado ng Asia-Pacific Economic Cooperation (APEC), isang nakadidismayang impresyon ang nabuo sa ilang sektor ng sambayanan: Ito’y isang kalbaryo. Tiyak na ang kanilang tinutukoy ay ang matinding trapik na halos isumpa ng mga motorista at mismong mga pasahero na ang iba ay napilitang maglakad makarating lang sa kanilang paroroonan. Halos hindi umuusad ang mga sasakyan sa Edsa, lalo na sa APEC lanes at iba pang kalsada na ipinasara upang hindi umano maabala ang naturang pagpupulong. Dahil sa bigat ng trapik, isang ina ang nanganak sa kalsada.

Masyadong malaki ang perhuwisyong idinudulot ng APEC meet, lalo na sa Metro Manila. Katakut-takot na airline flights ang kinansela; isa itong malaking abala sa mga negosyante na airline flights ang kinansela; isa itong malaking abala sa mga negosyante na may mga transaksiyon sa iba’t ibang sulok ng daigdig. Malaki rin ang nawala sa mga daily wage earners na walang kikitain dahil sa idineklarang holiday.

Maaaring may lohika ang labis na paghihigpit sa APEC lanes. Dito dadaan ang mga lider ng iba’t ibang bansa at iba pang economic leaders. Dapat lamang na tiyakin ang kanilang seguridad, lalo na ang mga super power heads na may malaking bahagi sa summit. Ang situwasyong ito ay dapat lamang pangalagaan ng mga alagad ng batas, particular na ng Philippine National Police (PNP). Lalo na’t kamakailan lamang nangyari ang malagim na terrorist attacks sa Paris.

Ang mga pangitaing ito ay maliwanag na hindi natalasan ng mga kasangkot sa preparasyon ng APEC summit. Marahil ay hindi nila naisip na hindi dapat idaos sa Metro Manila ang isang napakahalagang pagpupulong ng world leaders na taglay ang libu-libong miyembro ng kanilang delegasyon.

Maliwanag na ito ang dahilan kung bakit iminungkahi ni dating Presidente Ramos na idaos sa Clark ang APEC meet. Sana ay hindi natin nasaksihan ang isang preparasyon na produkto ng kawalan ng sentido komun o common sense. Sa panahon ni Ramos, ang 1996 APEC summit ay idinaos sa Subic.

Tulad ng malimit sabihin ng administrasyon, tiis-tiis lang. Sa kabila nito, naniniwala ako na ang APEC meet ay magiging bahagi ng mga kaunlarang pangkabuhayan ng bansa. At hindi malayo na ang Pilipinas ay maging isang economic tiger. Sana nga. (CELO LAGMAY)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...