Patay ang security escort ni Manila Mayor Isko Moreno Domagoso matapos barilin ng hindi pa nakikilalang riding-in-tandem sa Tondo, Maynila bandang 12:00 ng madaling araw nitong Linggo, Marso 15.
Kinilala ang biktima na si George Capistrano, 56-anyos na retiradong police officer.
Ayon sa imbestigasyong ikinasa ng mga awtoridad, binaril ang biktima mismo sa harap ng bahay nito bandang 12:00 ng madaling araw.
Lulan umano ng isang motorsiklo ang mga suspek na bumaril kay Capistrano.
Dali-daling dinala ang biktima sa Tondo Medical Center, ngunit idineklara din itong dead on arrival.
Metro
‘Di para manakot!' Taguig police, dumipensa sa presenya ng 'sniper' sa gitna ng demolisyon
Sa kasalukuyan, patuloy pa ang pagtugis sa mga suspek na pumatay sa naturang security escort. Inaalam pa ang motibo sa nasabing pagpatay.
