Tiyak na ang libreng ringside ticket na ipagkakaloob ni Top Rank big boss Bob Arum, ipamamalas ng walang talo at UFC woman’s bantamweight champion na si Ronda Rousey ang kanyang buong suporta sa iniidolo niyang si WBO champion Manny Pacquiao na hinulaan niyang magwawagi kay WBC at WBA titlist Floyd Mayweather Jr. sa $200M welterweight megabout sa Mayo 2 sa Las Vegas, Nevada.
Sa panayam ng ESPN First Take, pinayuhan ni Rousey si Pacquiao na maging laging kalmado at gamitin ang bilis at walang tigil na pag-atake upang magwagi sa hambog na Amerikano.
“If Manny (Pacquiao) doesn’t jump in and if he uses really relentless pressure and uses all of his speed, I think he’s going to give Floyd an extremely hard time,” sabi ni Rousey. “I know that he presents some very unique problems that Floyd has not dealt with yet. If he doesn’t jump in and he stays planted on his feet and uses all the speed that he has, I think that’s a really good strategy for him.”
Nilinaw ni Rousey na hindi niya binabalewala ang husay sa depensa at counter punching ni Mayweather ngunit iginiit na hindi na dapat ulitin ni Pacquiao ang atakeng ginawa laban kay Mexican Juan Manuel Marquez kaya natsambahan ng “lucky punch” at napatulog sa 6th round noong Disyembre 8, 2012 sa Las Vegas.
