TUGUEGARAO CITY, Cagayan – Isang sundalo ang namatay habang sugatan naman ang kasama niya matapos silang pagbabarilin ng hindi nakilalang suspek habang nag-iinuman sa pakikipista sa Barangay San Jose sa San Mariano, Isabela noong Sabado.
Kinilala ni Senior Insp. Bonifacio Gannaban, hepe ng San Mariano Police, ang napatay na si Sergeant Roy Gapay, commander ng Patrol Base ng 77th Civilian Auxilary Forces Geographical Unit (CAFGU) ng Philippine Army na nakabase sa nasabing barangay.
Nasugatan naman si Bobbit Dela Torre, miyembro ng CAFGU.
Napaulat na agad na nasawi si Gapay makaraang pagbabarilin sila ng mga suspek dakong 3:40 ng umaga.
DOH, nakapagtala ng 17 firework-related injuries sa loob lamang ng 24 oras
Ang miyembro ng CAFGU, na malubhang nasugatan sa iba’t ibang bahagi ng katawan, ay agad na nadala sa pagamutan. (Freddie G. Lazaro)
