Isasaalang-alang ng Department of Public Works and Highways (DPWH) ang pagpapatupad ng one-way traffic flow sa Kennon Road, isang scenic highway mula sa Rosario, La Union, ngayong Mahal na Araw.
Inatasan ni Public Works Secretary Rogelio Singson ang pamunuan ng DPWH-Cordillera Administrative Region na magsagawa ng pag-aaral sa trapiko para matiyak na maginhawang madadaanan ang Kennon Road paakyat sa Baguio City sa tag-araw, partikular sa Mahal na Araw na dagsa ang turista sa siyudad. “Implementing one-way traffic at Kennon Road will prevent the re-occurrence of severe vehicular congestion starting from the junction of Kennon Road and Manila North Road in Rosario, La Union experienced last December 2014 as travelers are expected to trek Baguio City for the summer break on Holy Week,” ani Singson. - Mina Navarro
