TACURONG CITY, Sultan Kudarat - Isang 58-anyos na ginang ang tinaga ng kapitbahay nitong binata makaraan ang mainitan nilang pagtatalo sa Purok Katilingban sa Barangay San Pablo, Tacurong City, mag-aalas diyes ng gabi nitong Enero 19.
Sa ulat ni PO1 Gerald San Pedro, nagtamo ng isang malalim na taga sa likurang bahagi ng ulo si Sheryl Sison y Federico, 58, biyuda, ng Diaz Compound, Purok Katilingban, Bgy. San Pablo, mula sa itak ni Fernando Gilaran y Edip, 29, binata, kapitbahay ng biktima.
Ayon sa pahayag ng ilang nakasaksi sa pangyayari, nagtalo ang dalawa hanggang umuwi si Gilaran para kumuha ng itak at pinagtataga ang ginang.
Naaresto ang suspek.
National
