HONG KONG (Reuters)— Sumumpa ang mga estudyante sa Hong Kong na mananatili sa protest sites sa mga pangunahing lugar sa lungsod noong Miyerkules, sinuway ang mga panawagan ng mga lider ng civil disobedience movement na Occupy Central – sina Benny Tai, Chan Kin-man at Reverend Chu Yiu-ming -- na umalis na sila sa lugar.
Daan-daan ang nanatili sa Admiralty katabi ng government headquarters at sa Central business district, determinadong ipagpatuloy ang kanilang laban para sa malayang halalan para sa susunod na lider ng Chinese-controlled city sa 2017.
