HAPPILY married si Judy Ann Santos kay Ryan Agoncillo pero naiisip niya na sana ay napagdananan din nila ang mga napapanood sa kanyang reality show bago pa man sila nagpakasal.

“Kasi they were able to clear out ‘yung past nila, to clear everything from their exes and parents. Kung baga, it was a wedding book package, parang sana nga may ganito bago pa kami nagpakasal, kasi ang gandang journey and it makes you more responsible being a wife after the whole journey. Alam mo na ‘yung gagawin mo, mga pagdaanan, at mga susunod mo pang sosolusyunan. It was a nice introduction for couples who want to get married,” sabi ni Juday.

Kahit ilang taon na siyang married, marami pa rin siyang natututuhan sa I Do.

National

UP, top university pa rin sa Pinas; Iba pang paaralan sa bansa, pasok sa Asian ranking!

“A lot!” sabi ni Mrs. Agoncillo. “Unang-una na ‘yung pagiging honest sa partner, ha-ha-ha. ‘Yung kung ano ang nararamdaman mo, it’s important pala na i-verbalize mo agad, huwag mo nang ikimkim, huwag mo nang itago. Kasi after ilang months, lalabas din nang mas wild na ‘yung emosyon mo na baka hindi mo na ma-keep together.

“Dapat open kayo, hindi lang sa past kundi open kayo sa present situation when it comes to money matters. Importante na magkaibigan pa rin kayong nag-uusap.

“It was a journey not only for the couples but for me as well kasi may mga time na nagti-taping kami at kung ano ‘yung pinagdadaanan couples ay ‘yun ‘yung iniisip ko at that moment na parang pag-uwi ko magaan na ‘yung pakiramdam ko kasi mayroon na akong life coach on board, I have professional marriage counselor, nakakausap ko rin sila in a way, treating myself not because I have a bad marriage but because on my own. I think I have to learned some new things how to be a good wife,” paliwanag ni Juday.

Anu-ano naman ang sekreto sa maayos na pagsasama nila ni Ryan?

“Siguro, kasi kami ni Ryan, when it comes to dealing with personal issues, it was an issue between me and him, it was never an issue between me and people. ‘Yun ‘yung pinakasagrado talaga sa amin kasi parang sa amin, mas gusto naming maging inspirasyon kami sa mga tao.

“Lahat naman ng couples may pinagdadaanan, husband and wife o mag-boyfriend/girlfriend pa lang. Lahat naman ay may pinagdadaanan na parang gusto nang maghiwalay, there was never an option to us to separate not because of the kids but because we believe that what we have, the love that we have, the relationship that we have na ipinundar naming dalawa -- and I can say that at this point in time of our relationship, we are really enjoying with each other, we respect each other’s time, we value each others company. Parang bumalik ulit kami sa parang mag-boyfriend/girlfriend, doon kami sa stage ngayon,” kuwento ng magandang misis ni Ryan.

Inamin ni Juday na never nilang pinag-awayan ni Ryan ang pera, na alam ng lahat bilang ang numero unong problema ng couples.

“Kahit nga wala kang partner, ‘yun pinoproblema,” natawang sabi niya. “It’s a reality. It’s a necessity. It’s not enough that two people mean the world to each other.”

Hindi na uso para kay Juday na puro pagmamahal lang ang ingredients ng pagsasama.