LONDON (AP) — Matapos amining pumalpak ito sa pagtugon sa pinakamalaking Ebola outbreak sa kasaysayan, maghahalal ang World Health Organization ng bagong regional director para sa Africa ngayong linggo. Sa isang internal draft document na nakuha ng Associated Press noong nakaraang buwan, sinisi ng WHO ang staff nito sa Africa sa palpak na pagtugon sa Ebola, inilarawan ang marami sa kanyang regional staff na “politically-motivated appointments” at binanggit ang mga reklamo tungkol sa mga opisyal ng WHO sa West Africa.
