KABUL, Afghanistan (AP) — Dalawang suicide bomber ng Taliban ang umatake sa kabisera at pinuntirya ang dalawang bus na sakay ang mga tropa ng Afghan army, na ikinamatay ng pito at ikinasugat ng 21 iba pa.
Ayon kay Kabul criminal investigation police chief Mohammad Farid Afzali, inatake ng unang salarin noong Miyerkules ng umaga ang isang busa ng mga opisyal ng Afghan National Army, na ikinamatay ng pito at ikinasugat ng 15 sa west Kabul. Sumunod ang pangalawang suspek na pinasabog ang sarili sa harapan ng isang bus sa northeast Kabul, na ikinasugat ng karagdagang tauhan ng army.
