PNoy, hinamon ang mga atleta-Balita

PNoy, hinamon ang mga atleta

Hinamon ni Pangulong Benigno Simeon "Noynoy" Aquino III ang buong miyembro ng pambansang delegasyon na lalahok sa 17th Asian Games sa Setyembre 19 hanggang Oktubre 4.

Sinabi ni PNoy na ipamalas ng mga atleta ang kanilang husay at talento bilang isang Pilipino sa paglahok sa kada apat na taong tomeo.

Personal sanang magtutungo si Pangulong Noynoy sa sendoff ceremony ng Team Pilipinas ngayon subalit sa huling sandali ay kinailangan nitong kanselahin ang dapat sana' y unang pakikipagkita ni PNoy sa pambansang atleta dahil sa may importanteng Gawain itong tutugunan.

Iniutos na lamang ni Pangulong Noynoy ang pagbasa sa kanyang mensahe kay Cabinet Secretary Jose Rene Almendras sa gaganaping pagtitipon ng mga nakuwalipikang atleta at mga opisyal sa isasagawang misa ng pasasalamat at pagbibigay bas bas sa paglahok ng mga ito.

Ang Team Pilipinas na sasabak sa 24 na sports mula sa paglalabanang 38 ay binubuo ng 99 kalalakihan at 51 kababaihan 0 kabuuang 150 magpapartisipang atleta habang mayroon namang 55 opisyal ang kasama sa delegasyon.

Binubuo ito ng archery (7), athletics (9), softball (15), basketball (12), bowling (12), boxing (8), canoe kayak (1), cycling (4), equestrian (4), fencing (2), golf (7), gymnastics (1), judo (1), karate (6), rowing (5), rugby (12), sailing (4), shooting (2), swimming (2), taekwondo (12), tennis (6), soft tennis (3), triathlon (5), weightlifting (1), wrestling (2) at ang wushu (6).

Sinabi naman ni Philippine Chef de Mission at Philippine Sports Commission (PSC) chairman Richie Garcia na handa na ang lahat para sa partisipasyon ng bansa mula sa ginawang pagsasanay ng mga atleta hanggang sa mga kinakailangang equipments, uniforms, airfare, accommodation at allowances.

"We don't want to give stress to our athletes," sinabi nito.

Nakatakdang magtungo si Garcia sa Incheon sa Setyembre l0 para dumalo sa importanteng pulong ng mga pinuno ng delegations sa Setyembre 11 at 12. Ang pinakamalaking bilang ng delegasyon ng bansa ay aalis naman sa Setyembre 15.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...