ANAO, Tarlac- Naging positibo ang pagmamanman ng pulisya sa Barangay San Jose South, Anao, Tarlac at malambat ang isang kilabot na drug pusher kamakalawa ng umaga.
Ayon kay PO3 Marcelo Gloria, may hawak ng kaso, ang naarestong suspek ay si Juanito Arcangel, Jr., 35, ng Barangay Mabini, Moncada, Tarlac. Nahuli sa kanya ang tatlong transparent plastic sachet na naglalaman ng hindi pa matiyak na gramong shabu at P500 marked money.
Bago naaresto ang suspek ay namonitor ng pamunuan ng Anao Police Station na siya ay nagbebenta ng droga sa Barangay San Jose South. Nagkunwaring buyer si PO2 Enrique Bautista, na naging positibo naman ang resulta. - Leandro Alborote
National
