Inilarawan ni Department of Public Works and Highways (DPWH) Sec. Vince Dizon kung gaano kalala ang problemang kinakaharap ng pinapangasiwaan niyang ahensya.
Sa latest episode ng “KC After Hours” nitong Sabado, Disyembre 13, nausisa si Dizon hinggil sa ibinigay na tiwala sa kaniya ni Pangulong Ferdinand “Bongbong” Marcos, Jr.
“For this particular administration, bakit ganun na lang ang pagtiwala sa inyo ng presidente?” tanong ni Kapamilya broadcast-journalist Karmina Constantino. “He seems to enjoy your confidence and vice versa.”
Pero sabi ni Dizon, “That’s really not for me to say about, you know. Trust, Ako kasi, trabaho lang ako. “
'Di kami namimilit!' Mga Duterte, nananatili hangga't gusto ng tao—FPRRD
“I just do my job, the best way I know how. And I try to be focused on solutions rather than problems. I’ve been that way, I guess,” dugtong pa niya.
Sundot naman ni Constantino, “But when you saw the problems at your department?”
“Ibang level,” sagot ni Dizon. “Ibang level ‘to. [...] Hindi ko nga alam kung anong mas mahirap, Covid o ito.”
Matatandaang nagsilbi siya sa ilalim ng administrasyon ni dating Pangulong Rodrigo Duterte bilang testing czar at chief coordinator ng programang “Test, Trace, Treat” o “T3” sa kasagasagan ng pandemya.
Samantala, bago nahirang na kalihim ng DPWH, pinamunuan ni Dizon ang Department of Transportation (DOTr) sa ilalim ng kasalukuyang administrasyon.
Basahin: KILALANIN: Si dating DOTr Sec. Vince Dizon, bagong kalihim ng DPWH
