SHS, tanggal? Rationalized basic education program, panukala ni Jinggoy-Balita

SHS, tanggal? Rationalized basic education program, panukala ni Jinggoy

May panukalang-batas si Senate President Pro Tempore Jinggoy Estrada kung sakaling matatanggal ang Senior High School level sa K-12 program ng basic education system ng Department of Education (DepEd).

Hayagan kasing sinabi ni Estrada na tila wala naman daw nangyayari sa SHS level dahil hindi nito naabot ang mga layunin nito, simula nang ma-implement noong 2013.

"Samu't saring batikos at pagtutol mula sa iba't ibang sektor ang narinig natin nang ipatupad ang repormang ito sa edukasyon. Sa loob ng labingdalawang taon, mula nang maisabatas ito, hindi pa rin ganap na nakakamit ang layunin nito," ani Estrada patungkol sa Republic Act No. 10533 o ang Enhanced Basic Education Act of 2013.

"Hindi natin pwedeng hayaan na patuloy na maging pasanin ng mga estudyante at kanilang mga magulang ang dagday na oras at gastos ng senior high school. Bakit natin hahayaan na patuloy na maging dagdag pasanin sa oras at gastusin ang dalawang taon sa high school level kung hindi naman natutupad ang layunin nito?" dagdag pa ng senador.

Sa panukalang pagtanggal ng SHS level, sinabi ni Estrada na mananatili ang mga pangunahing prinsipyo ng RA 10533 o ang Enhanced Basic Education Act of 2013. Layon umano ng panukalang amyenda na gawing mas simple at mas maayos ang sistema ng high school habang tinitiyak pa rin ang kalidad ng edukasyon na akma sa pandaigdigang pamantayan.

Sa ilalim ng rationalized basic education program, iminungkahi ng senador ang isang taong edukasyon sa kindergarten, anim na taon sa elementarya at apat na taon sa secondary education.

"Ang panukalang ito ay isang praktikal na hakbang upang ayusin ang ating sistema ng edukasyon -- upang ito'y maging mas episyente, mas mahusay sa paggamit ng pondo, at mas makabuluhan para sa ating mga mag-aaral," giit niya.

KAUGNAY NA BALITA: Sen. Jinggoy Estrada, ipu-push na mabaklas ang SHS sa K-12

Samantala, wala pang reaksiyon, tugon, o pahayag ang Kalihim ng Department of Education (DepEd) na si Sonny Angara tungkol dito.

Malawakang rotational brownout sa Siquijor, nauwi sa deklarasyon ng state of calamity

Tuluyang nagdeklara ng state of calamity ang lokal na pamahalaan ng Siquijor bunsod ng nagpapatuloy power crisis sa buong lalawigan.Sa ilalim ng Resolution No. 2025-02 iginiit nitong apektado na raw ng rotational brownout sa kanilang lugar ang primaryang sektor na nakadepende sa supply ng kuryente.'A resolution recommending the declaration of state of calamity in the province of Siquijor due...

Ateneo, nangalampag na rin sa Senado hinggil sa impeachment ni VP Sara

Nakiisa na rin ang Ateneo School of Government sa mga unibersidad sa bansa na nangalampag sa Senado sa nakabinbing impeachment laban kay Vice President Sara Duterte. Sa pahayag na inilabas ng Ateneo nitong Sabado, Hunyo 7, 2025, iginiit nila ang panawagang pagtugon umano ng Senado sa kanilang obligasyon sa konstitusyon.'We call on the Senate to fulfill its Constitutional duty and to proceed...

Caritas PH, inaapura Senado sa paglilitis vs VP Sara

Naglabas na rin ng pahayag ang Caritas Philippines kaugnay sa impeachment trial laban kay Vice President Sara Duterte.Sa latest Facebook post ng Caritas PH nitong Sabado, Hunyo 7, sinabi nilang hindi dapat naaantala ang pagsisimula ng impeachment trial.“We call on our leaders to act with the highest sense of urgency. Let us be reminded that ‘Justice delayed is justice denied,’” saad ng...