Nagbigay ng reaksiyon si dating Presidential Spokesperson Atty. Harry Roque kaugnay sa pagkakaaresto kay dating Pangulong Rodrigo Duterte ng International Criminal Court (ICC) nitong Martes, Marso 11.
Sa latest episode ng “Afternoon Delights” nito ring Martes, Marso 11, sinabi ni Roque na “unconstitutional” umano ang ginawang pagdakip sa dating pangulo.
“It’s very clear that we’re no longer a member of ICC,” saad ni Roque.
Dagdag pa niya, “What is now being violated is the Philippine Constitution which says, ‘The judicial power rests only in one Supreme Court and other lower courts as may be established by law.’”
Sen. Go sa pag-aresto kay ex-Pres. Duterte: 'Ginawa ni Tatay Digong ang lahat'
Ngunit nauna nang sinabi ng Palasyo na bagama’t hindi umano kinakailangang makipagtulungan ang Pilipinas sa ICC ay obligado raw silang makiisa sa International Criminal Police Organization (Interpol).
Samantala, nanawagan naman si Roque sa mga Pilipino na magtipon-tipon sa EDSA upang maiparinig umano ang saloobin ng bawat isa hinggil sa ginawang pagdakip sa dating pangulo.
MAKI-BALITA: Roque, nanawagang magtipon-tipon sa EDSA matapos arestuhin si FPRRD
Ang arrest warrant na inihain kay Duterte ay para sa krimen laban sa sangkatauhan dahil sa pagpapatupad niya ng kontrobersiyal na giyera kontra droga sa ilalim ng kaniyang panunungkulan bilang pangulo.
MAKI-BALITA: 'Krimen laban sa sangkatauhan' dahilan ng arrest warrant vs FPRRD – PCO
