Tuluyan na umanong tinanggal ng Department of Education (DepEd) ang senior high school voucher program ng 55 paaralan sa bansa.
Sa ulat ng ABS-CBN News kamakailan, sinabi ni DepEd Government Assistance and Subsidies Service Project Manager III Atty. Tara Rama na inalisan nila ng nasabing voucher program ang mga paaralan dahil sa pagbibigay nito sa mga unqualified student at sa mga estudyanteng wala sa class record.
"We started terminating po, we had 22 schools. For school year 2021-2022 that's 22. In February 2023, we terminated another 32 schools for school year 2022-2023. ‘Yan po ‘yong parang sakop ng findings natin,” saad ni Rama.v
Dagdag pa niya, “For 2023-2024, we already have one [school] terminated. And then under investigation po yung another 12.”
PCO usec. sa sinabi ni VP Sara na iniwan na ng gov’t ang OVP: ‘Baka siya ang nang-iwan!’
Pero nang tanungin umano si Rama ni Kabataan Party-list Rep. Raoul Manuel sa briefing ng House Committee on Basic Education and Culture kung ilan ang eksaktong bilang ng mga ghost student, wala pa siyang maibigay.
Paliwanag ni Rama, “For that specific talaga na number hindi ko po mabibigay specific because there are four categories no’ng sinasabi nating ghost students.”
“And at the same time, though we had already a number of schools that were terminated, we started terminating February of 2023, ‘yong mga schools na ‘yon, iba't-iba po ‘yong kanilang mga finding," dugtong pa niya.
Matatandaang kinumpirma ng DepEd noong Pebrero na nagsasagawa na sila ng imbestigasyon sa 12 pribadong paaralan kaugnay sa alegasyon na may “ghost students” umanong nakakatanggap ng senior high school voucher program.
MAKI-BALITA: DepEd, iniimbestigahan 'ghost students' sa ilalim ng SHS Voucher Program
