Tila lalong nanliit ang singer-composer at “It’s Showtime” host na si Ogie Alcasid nang makaharap ang “Kalokalike” contestant na kahawig ni NBA player Lebron James.
Sa isang episode kasi ng “It’s Showtime” nitong Biyernes, Setyembre 6, nagtangkang makipag-one-on-one basketball si Ogie kay “Lebron.”
Pero hindi umubra ang depensa ni Ogie dahil nang mamasok na si Lebron ay tumalsik agad siya at natumba. Nagtawanan tuloy ang studio audience sa nasaksihang laban ng dalawa.
“Nabangga ng truck,” kantyaw pa ni “It’s Showtime” host Vhong Navarro.
“This is only a joke,” sabi ni Ogie kay “Lebron.” “We’re supposed to be funny.”
Kylie kapag tumakbong VP ang erpat na si Sen. Robin: 'Aalis na ako ng Pilipinas!'
Pero nang pagtulungan si “Lebron” nina MC, Lassy, at ng tatlo pang madlang people ay nahirapan siyang ipasok ang dala-dalang bola.
Sa kabila nito ay naitanghal namang daily winner si “Lebron” sa “Kalokalike Face 4” laban sa mga katunggali niyang sina “Gerald Anderson” at “Bugoy Cariño.”
