“Cosmic Coquette 🎀”
Napitikan ng National Aeronautics and Space Administration (NASA) ang bow-shaped nebula na matatagpuan daw sa layong 4,000 light-years mula sa Earth.
Sa isang Instagram post, inihayag ng NASA na nakuhanan nito ang naturang larawan sa pamamagitan ng kanilang Hubble Space Telescope.
“Crafted from the material casted off from the dying Sun-like star as it enters its white-dwarf phase of evolution,” anang NASA.
Larawan ng Bubble Nebula, ibinahagi ng NASA
“Dense ridges of material are swept back from the nebula’s central star creating the bow shape,” dagdag pa nito.
Ayon pa sa NASA, ang naturang bituin ang isa rin sa pinakamaiinit, kung saan umaabot umano ang surface temperature nito sa 200,000 kelvin.
“The nebula spans more than a light-year wide and is energized by ultraviolet light from the central star,” saad nito.
Kamakailan lamang, nagbahagi rin ang NASA ng larawan ng Bubble Nebula na matatagpuan umano 7,100 light-years ang layo mula sa Earth sa constellation Cassiopeia.
