"Feeling Kris Aquino" raw ang showbiz columnist at talent manager na si Lolit Solis matapos makatanggap ng mga bulaklak mula kay Batangas Vice Governor Mark Leviste, ang special someone ngayon ni Queen of All Media Kris Aquino na patuloy pa ring nagpapagaling sa ibang bansa.
Ayon sa latest Instagram post ni Lolit, sure na sure siyang si Kris ang nakaisip na padalhan siya ng mga bulaklak.
"Ay Salve, feeling Kris Aquino ako na nakatanggap ng yellow flowers from Mark Leviste. Sure ako si Kris ang nag-advice kay Mark na padalhan ako ng flowers. In fairness touching dahil noon pa naman pag nakikita mo si Mark Leviste talagang magalang siya, palabati at approachable."
Botong-boto si Lolit kay Mark para kay Kris at sana raw, ang politiko na ang maging "forever" ni Tetay.
Dalawang Tulfo brothers, nanguna sa survey ng senatorial race
"Honestly kung sakali nga at maging forever sila ni Kris matutuwa ako dahil mukhang maalaga si Mark. Matagal na nilang kilala ang isa't isa kaya alam na nila paano pakikisamahan ang bawat isa. Talagang nasa level ng buhay na kung makikita nila Kris Aquino at Mark Leviste ang tao na magbibigay ng ligaya sa kanila, settle down na sila."
"Dasal ko lang na this time pareho ng forever ang makita nilang dalawa. About time na pang matagalan na ang matagpuan nilang relasyon. At sana nga kung sila ang nababagay para sa isa't isa ngayon na maganap iyon. Sana nga maging start na ang friendship nila ngayon sa isang deeper level na relasyon. How nice kung sakali na matagpuan na ni Kris ang hinahanap na ligaya sa piling ni Mark."
"Bongga din di ba, Kris Aquino Leviste, ganda din pakinggan kung sakali, bongga."
