Matapos ang deklarasyon ng World Health Organization (WHO) na hindi na global health emergency ang Covid-19, sinabi ni House Speaker Martin Romualdez na “nagtagumpay” ang Pilipinas at iba pang mga bansa sa paglaban sa nasabing virus.
BASAHIN: Covid-19, hindi na global health emergency – WHO
“The decision shows that countries around the globe, including the Philippines, have succeeded through collaborative effort in fighting the highly infectious novel coronavirus and its variants, though they remain a threat to public health,” pahayag ni Romualdez nitong Linggo, Mayo 7.
“I think our people have learned to live with the virus. Though there is no wear-face-mask mandate, many of them continue to wear mask and observe physical distancing. They are aware of the residual threat and they are not letting their guard down,” dagdag niya.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Sinabi rin ng Kongresista na dapat magbigay-daan ang deklarasyon para mapanatili ang paglago ng ekonomiya para sa kapakinabangan ng mga mamamayan, lalo na ng mahihirap.
“It should translate to increased mobility, more economic activities and therefore additional job and income opportunities for our workers and their families,” ani Romualdez.
Nito lamang Sabado, Mayo 6, ibinahagi naman ng Department of Tourism (DOT) na ang nasabing deklarasyon ng WHO ay isang magandang senyales para sa transpormasyon ng turismo sa bansa.
BASAHIN: Pagtatapos ng Covid-19 global health emergency, may mabuting senyales sa turismo ng PH – DOT
