Christmas-themed cafe ni Ken Chan, binuksan na

By Richard de Leon

December 27, 2021

In BALITA

Bukod sa kaniyang kauna-unahang Metro Manila Film Festival (MMFF) movie entry na 'Huling Ulan sa Tag-araw' katambal si Rita Daniela, masayang-masaya ang Kapuso actor na si Ken Chan dahil sa wakas ay napasinayaan at binuksan na sa publiko ang kaniyang bakery at food business na Christmas-themed cafe, na kauna-unahan umano sa buong Pilipinas.

Ang naturang Christmas-themed cafe ay may pangalang 'Cafe Claus' na matatagpuan sa Tandang Sora, Quezon City. Kumbaga, araw-araw ay tila ramdam na ramdam ang Christmas feels!

Sa Facebook page ng naturang cafe, pati ang pangalan ng mga inihahain nilang panindang tinapay at pagkain ay nakapangalan din sa Pasko.

Halimbawa nito ang classic American breakfast staples Golden Belgian waffle na pinangalan nilang 'Prancer', ang corned beef hash naman ay 'Vixen', at ang classic pancakes naman ay 'Dasher'.

Para naman sa mga tipikal na pagkaing Pinoy, ang tapsilog ay 'Comet', ang pork tocino na may French omelet ay 'Cupid', at ang longsilog naman ay 'Donner'.

Hindi ito ang unang negosyong itinayo ni Ken Chan, dahil mayroon din siyang mga gasoline stations at isang wellness brand.

‘Immortal love?’ Enrile at misis nagdiwang ng 67th wedding anniversary

Binati ni Katrina Ponce Enrile ang kaniyang mga magulang na sina Presidential Legal Counsel Juan Ponce Enrile at dating ambassador Cristina Enrile na nagdiwang ng kanilang 67th wedding anniversary.Sa isang Facebook reel ni Katrina noong Miyerkules, Setyembre 18, 2024, ibinahagi niya ang sweet moments ng kaniyang mga magulang na may nakalagay na “happy anniversary.”FacebookMababasa rin sa...

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakataon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...