Isa pang Gilas cadet ang nabawas sa kasalukuyang Gilas Pilipinas pool na naghahanda para sa darating na dalawang international tournaments na kanilang sasabakan.
Nagtamo ng "sprained ankle" ang nauna ng itinalagang team captain ng koponan na si Rey Suerte sa kanilang ensayo noong nakaraang Miyerkules ng gabi sa Inspire Sports Academy sa Calamba, Laguna matapos ang isang masamang bagsak sa isang rebound play.
Base sa inisyal na pagsusuri, kailangan ni Suerte na magpahinga ng dalawa hanggang tatlong linggo.
“By my estimation, it looks like a Grade 2 or 3 sprain, so it could take one to two weeks to recover. We’re hoping there will be no fractures when he gets his x-ray,” ayon kay Gilas trainer Dex Aseron.
Karl Eldrew Yulo, pamilya raw pinakamagandang regalong natanggap
Ang 26- anyos na Cebuano dapat ang magiging team captain ng Gilas sa 2021 FIBA Asia Cup Qualifiers na gaganapin sa Clark at sa Belgrade Olympic Qualifying Tournament.
“The swelling is significant,” ani Gilas program director Tab Baldwin.
“He was recently designated as our Team Captain, so this is not good news at all. It’s unfortunate because he was also doing very well in practice.”
“Rey has been our captain and eldest member of the team, so his maturity has been a stabilizing force in our group. He’s also an excellent three-point shooter who has a scorer’s mentality, so he has become a reliable source of points,” paliwanag pa ni Baldwin.
“We will miss his leadership and scoring punch in the team.”
Marivic Awitan
