PINALAKAS ng SMART Omega Esports ang hanay sa pagkuha kay TNC offlaner at International veteran Sam “Sam_H” Hidalgo para sa pagsabak sa Season Two ng Dota Pro Circuit-Southeast Asia upper division.
Sumama rin sa grupo ang nagbabalik na si Mark “Shanks” Redira, bahagi ng Omega roster bago pinalitan ng Adroit Esports core para sa 2021 Dota Pro Circuit season.
Pinalitan ni Sam_H, huling naglaro sa T1, si Jun “Bok” Kanehara – lumipat ng bakuran kasama si Marvin “Boomy” Rushton. Balik tambalan naman si Shanks, huling naglaro sa Indian squad Reckoning Esports, kina Linuel “Teehee” Abanto at Benhur “Benhur” Lawis.
Makakasama rin nina Sam_H at Shanks sina midlaner Mc Nicholson “Mac” Villanueva, Bryle “cml” Alvizo, at Justin “Tino” Grimaldo.
'Pikon daw?' UAAP fan na nag-dirty finger, agaw-eksena sa San Juan Arena!
Sasabak ang Omega Esports, tumapos sa ikalawang puwesto sa lower division ng Season One, laban sa SEA powerhouse Fnatic, Neon Esports, T1, TNC Predator, Boom Esports, Execration, at LilGun sa upper division kung saan nakataya ang kabuuang 1150 DPC points.
Nakatakda ang Season Two sa Abril 13.
