Pinalitan ng pamunuan ng Metro Rail Transit Line 3 (MRT-3) ang schedule ng weekend suspension na ipinatutupad nito sa kanilang mga tren, base na rin sa rekomendasyon ng maintenance provider nito.
Sa ipinalabas na paabiso ng MRT-3, mula sa dating Agosto 8-9, Agosto 21-23, at Setyembre 12-13, ay ginawa na ito ngayong Oktubre 10-11, Oktubre 31, Nobyembre 1-2 at Nobyembre 14-15.
“Upon recommendation of maintenance provider Sumitomo-MHI-TESP, the MRT-3 will reschedule its weekend suspension of operations for rail replacement works from August to September to October to November 2020,” bahagi ng advisory ng MRT-3. “According to Sumitomo-MHI-TESP, this is due to travel restrictions being imposed by countries to prevent the spread of Covid-19,” ayon sa MRT-3.
“From August 8-9, August 21-23, and September 12-13, the suspended weekend operations will be moved to October 10-11, October 31, November 1-2 and November 14-15,” dagdag pa ng MRT-3.
Sinabi ng MRT-3 na tiniyak naman ng nasabing maintenance provider na ang naturang re-scheduling ay hindi makakaapekto sa target completion nila ng rail replacement sa katapusan ng Setyembre 2020, at maging sa planong pagdadagdag ng train speed nila na 40kph sa Oktubre, 50kph sa Nobyembre at 60kph sa Disyembre 2020.
Simula Abril 14: PBBM, ibinida ang malaking rollback sa presyo ng langis!
Nilinaw ng MRT-3, kabilang sa rail replacement works na gagawin sa naturang weekend suspension ay kinabibilangan ng turnout works para sa southbound at northbound tracks sa North Avenue at Taft Avenue stations.
-Mary Ann Santiago
