KABUUANG siyam na Filipino-foreign players ang nagsumite ng kanilang aplikasyon para sa 2019 PBA Rookie Draft na idaraos sa Disyembre 8.
Nangunguna sa listahan ng mga Fil-foreign players na gustong makapaglaro sa PBA ay sina Roosevelt Adams at dating Adamson standout Sean Manganti.
Ang 6-foot-6 na si Adams ay naglaro para sa Mighty Sports Philippines sa ilang mga torneo sa labas ng bansa at sa koponan ng Go for Gold sa katatapos na season ng PBA D-League.
Nakilala naman bilang isang athletic forward sa UAAP, si Manganti ay naglaro din sa D-League sa koponan ng Akari-Adamson noong nakaraang taon at sa Che’lu Bar and Grill ngayong 2019.
Kasama din nilang nag-apply at matunog ang pangalan sa hanay ng mga draft aspirants ay si Franky Johnson na naglaro din sa D League sa Gamboa Coffee Mix, Marinerong Pilipino-TIP, at AMA Online Education kamakailan.
Pedestrian na tumatawid sa kalsada, patay sa bangga
Bukod sa naunang tatlong nabanggit, nagsumite rin ng aplikasyon nila sa draft sina dating Ateneo Blue Eagles Vince Tolentino at Adrian Wong at National University one-and-done player Troy Rike gayundin sina dating University of Perpetual Help player Daryl Singontiko, Fil-am guard Jason Riley at 37-anyos na sentrong si Mark Taylor. Marivic Awitan
