UUWING luhaan ang tatlong Pinoy boxer, sa pangunguna ni dating WBA Oceania featherweight titlist Jessie Cris Rosales, sa kanilang kampanya sa Amerika.
Nabigo si Rosales sa kontrobersiyal na 8-round split decision kay undefeated Tyler McCreary sa MGM National Harbor, Oxon Hill, Maryland. Nagwagi sa McCreary sa mga iskor na 77-75, 77-75 samantalang isang huradong Amerikano ang pumanig kay Rosales sa iskor na 78-74.
Napaganda ni McCreary ang kanyang kartada sa perpektong 16-0-1 samantalang bumagsak ang rekord ni Rosales sa 22-3-1 na may 10 pagwawagi sa knockouts.
Hindi naman tumagal ng isang round si Philippine Boxing Federation super lightweight champion Rosekie Cristobal kay dating world rated at NABA super featherweight champion Carlos Morales ng Mexico sa kanilang 10-round na sagupaan sa Fantasy Springs Casino kamakalawa ng gabi sa Indio, California.
