MAY maliit na pagbabago sa training camp ni Danny “The King” Kingad habang nakatakda niyang makatapat ang bagong karibal sa semifinals ng ONE: Flyweight World Grand Prix.
Makakalaban niya si Reece “Lightning” McLaren sa ONE: DAWN OF HEROES na gaganapin sa Mall Of Asia Arena sa Manila, Philippines sa Agosto 2, Biyernes.
Si ONE Flyweight World Champion Kairat “The Kazakh” Akhmetov dapat ang makakalaban ni Kingad pero umatras ito dahil sa injury.
Habang ang ibang training program ay mahihinto dahil nag-iba ang kalaban, ang camp ni Kingad ay magpapatuloy pa rin dahil alam nilang pareho lamang ang ipapakitang laban ni McLaren tulad ni Akhmetov.
'Pikon daw?' UAAP fan na nag-dirty finger, agaw-eksena sa San Juan Arena!
“I don’t think there’s much difference in training. It’s pretty much the same, they’re good wrestlers and in jiu-jitsu,” sabi ni Kingad.
“The game plan is to strike and to defend the ground well. I’ll try to keep the fight standing, there’s little changes I made in my gameplan.”
Unang naghanda para sa southpaw si Kinagd dahil kay Akhmetov pero ngayong si McLaren na ang kalaban niya ay kailangan niyang sanayin ang sarili sa orthodox stance nito.
Nararamdaman ni Kingad na mas malakas siya sa dalawa dahil si McLaren ay nalipat sa flyweight mula sa bantamweight division.
“He was strong in bantamweight but I feel like when he moved to flyweight, I have the upper hand now,” pagdidiin ni Kingad.
