Vickie, pinanghihinayangan-Balita

MARAHIL kung nasagot nang maayos ni Vickie Rushton ang tanong sa kanya ng isa sa mga hurado sa coronation night ng Binibining Pilipinas 2019 nitong Linggo, na si Daniel Padilla, baka naging kinatawan pa rin siya ng bansa sa ibang international pageant, kahit pa hindi niya nasungkit ang titulong Miss Universe Philippines.

Simula pa sa pre-pageant noong Hunyo 2 ay maingay na ang pangalan ni Vickie sa social media, hanggang sa unang bahagi ng coronation night nitong Linggo, kung saan humakot siya ng special awards.

Actually, kalaban niya sina Miss Talisay, Cebu—ang tinanghal na Miss Universe Philippines 2019 na si Gazini Christiana Ganados—Cebu, Pampanga, Bataan at Maguindanao, pero pagdating nga sa Q&A ay hindi na nasagot ni Vickie ang tanong ni Daniel kung ano ang opinyon niya sa kahalagahan ng mental health.

Base sa panayam ng Umagang Kay Ganda kay Vickie ngayong Lunes, inamin niyang na-distract siya sa isang audience na tumayo at nag-make face sa kanya.

Handa namang sagutin ng dalaga ang tanong kaso nawala na ito sa isipan niya dahil sa distraction.

At dahil sa telebisyon namin napanood ang 2019 Binibining Pilipinas, inisip naming ninerbyos si Vickie kay Daniel, kaya hindi niya nasagot nang maayos ang tanong.

Kaya ang ending, hindi nakapuwesto si Vickie.

Bukod kay Gazini, na pambato ng Pilipinas sa Miss Universe 2019, panalo rin sina Bea Patricia Magtanong, Bb. Pilipinas International 2019; Resham Ramirez Saeed, Bb. Pilipinas Supranational 2019; Emma Mary Tiglao, Bb. Pilipinas Intercontinental; Samantha Lo, Bb. Pilipinas Grand International 2019; at Leren Mae Bautista, Bb. Pilipinas Globe 2019.

Samantala, habang rumarampa si Miss Universe 2018 Catriona Gray para sa kanyang final speech ay halos iisa ang nabasa naming komento sa social media: “Puwede bang i-extend (ng reign) si Catriona?”

Ang ganda naman talaga ni Catriona nu’ng gabing ipasa niya kay Gazini ang kanyang Miss Universe Philippines. Pero siyempre pa, suot naman ni Catriona ang kanyang Mikimoto Miss Universe 2018 crown.

Iisa ang tanong ng lahat, muli rin kayang isasalin ni Catriona ang kanyang korona kay Gazini sa Miss Universe 2019 pageant sa huling bahagi ng taong ito?

-REGGEE BONOAN

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...