Binalaan ni Pangulong Rodrigo Duterte ang mga bagong halal na alkalde ng bansa na linisin ang kani-kanilang lugar upang hindi sila pagbalingan nito.

Sa isang panayam sa Davao City, sinabi ng pangulo, sa unang araw pa lamang ng pag-upo sa puwesto ng mga ito sa Hunyo 30, dapat nang umpisahan nilang linisin ang kanilang nasasakupan sa pamamagitan ng pagpapataw ng batas at kaayusan, lalo na sa illegal drugs, upang makontrol ang operasyon ng mga kriminal.

Aniya, bago siya naging punong ehekutibo, naging mayor muna ito ng lungsod kung saan tinitiyak nito na malinis sa anumang kriminal ang kanyang lugar.

Hanash ni Roque: 'May karapatan akong tawaging bangag si Marcos Jr!'

"It's just about cleaning the city, imposing law and order, and especially drugs, and try to limit the movements of criminals from other places. These are the things we would like to do which in the past has been there on the agenda of government. It's either they accept the present mindset of the government, or if not, we will force it upon them. There's no other choice," sabi ni Duterte.

Nilinaw nito na nananatili pa ring demokratikong bansa ang Pilipinas ngunit sinabi nito na ang demokrasya ay kinapapalooban ng mabuti at masamang epekto sa lipunan.

"Yes, it is a democracy and there are things in a democracy which are bad, and there are things in a democracy which are very good. But for there's bad things, too much democracy, too many rights, and the fragile crime-and-punishment story of this country is not the point of..." ayon sa kanya.

"Either tanggapin n’yo o talagang ipalunok ko sa inyo. I have no other choice. If you want just follow, if you want a better life, or I will enforce it on you. That has always been my paradigm even when I was mayor," dagdag pa nito.