Mga Laro Ngayon

(Araneta Coliseum)

4:30 n.h. -- Northport vs Meralco

7:00 n.g. -- San Miguel Beer vs NLEX

UMANGAT sa solong ika-4 na puwesto ang tatangkain ng defending champion San Miguel Beer sa pagsagupa sa NLEX sa tampok na laro ngayon ng 2019 PBA Philippine Cup sa Araneta Coliseum.

Kasalukuyang kasalo ang Beermen ng TNT Katropa sa ika-4 na puwesto taglay ang barahang 4-3.

Galing sa 25 limang araw na break kabilang na ang 2 week break noong nakaraang 6th window ng 2019 FIBA World Cup Asian qualifiers, haharapin ng Beermen ang Road Warriors sa tampok na laro ngayong 7:00 ng gabi kasunod ng unang salpukan sa pagitan ng Northport at Meralco ganap na 4:30 ng hapon.

Tatangkain ng San Miguel na dugtungan ang naitalang back-to-back wins, pinakahuli noong Pebrero 10 kontra Magnolia sa iskor na 113-92.

Para naman sa katunggaling Road Warriors, na naunang nag break sa kanila ng dalawang araw, tatangkain nitong bumalik sa winning track matapos maungusan ng namumunong Phoenix Pulse, 83-82 noong Pebrero 8.

Mauuna rito, target naman ng Batang Pier na umangat sa ikalimang posisyon at sumalo sa Barangay Ginebra Kings(3-3) sa pagtutuos nila ng Bolts na hangad namang makaahon sa kinalugmukang tatlong sunod na kabiguan na nagbaba sa kanila sa markang 2-5.

-Marivic Awitan