NANGUNGUNA ngayon sa chart ng music at podcast streaming platform na SoundCloud ang kanta ng miyembro ng K-pop boy band BTS na si V.

BTS V

Composed at sinulat mismo ni V o Kim Taehyung ang lyrics ng track na Scenery na ini-released nitong Enero 30 sa blog ng BTS at uploaded sa SoundCloud.

Nasa No. 1 spot ang kanta sa SoundCloud’s Top 50 chart para sa “music genres for the week.” Habang isinusulat ang balitang ito, nakalikom na ng mahigit 46.90 million plays at 468,000 likes na may 54,700 repost ang kanta.

Blind Item
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'

Content creator, 'di kinaya ugali ng dating Sang'gre sa concert ng BINI: 'Pipi na ba kayo?'

Sa loob ng 24 oras nakakuha agad ang Scenery ng 372,000 likes, na record para sa Soundcloud, ayon sa ulat ng isang Korean media outlet. Ayon sa mga fans nagtala rin ang kanta ng pinakamaraming streams sa loob ng 24-oras na may 11 milyon.

Matatandaang Hunyo 2017, naglabas din sina V at RM ng kantang 4 O’clock, na ipinroduce nila sa SoundCloud. Habang nakapag-release na rin ng mga solo track ang iba pang miyembro ng BTS.

Sa inilabas na album ng BTS na Love Yourself: Tear, noong Mayo ng nakaraang taon, mayroon ding solo track si V na may titulong Singularity. Nakakuha na ito ng higit 76 million views sa YouTube.

-JONATHAN HICAP