SA pagtitiwala sa P40-million investment at sa pakikipag-partner sa ilang food businesses, bumuwelta si Kris Aquino sa dating project director ng KCAP na si Nicko Falcis: “I made a deal with a devil. Unfortunately, I should never have.”

Si Nicko ay endorsement closer, talent agent, at project director ng Kris Cojuangco Aquino Productions (KCAP) sa loob ng humigit-kumulang 18 buwan.

Sa Instagram Live ni Kris nitong Martes ng gabi, isiniwalat ni Kris na nakapangalan kay Nicko ang P40-million investment niya sa Potato Corner+Nacho Bimby food joints.

Enrique Gil, tinabangan na nga ba dahil di tumabo sa takilya comeback movie?

Reklamo ni Kris, ipinagkait daw sa kanya ang karapatang mailipat sa pangalan ng mga anak niyang sina Josh at Bimby ang nasabing investment na ipinamahala niya kay Nicko.

Sa puntong ito ay binasa ni Kris ang opisyal na pahayag mula sa kanyang mga abogado kasabay ng paghahayag ng personal niyang opinyon sa isyu.

“It was four months when we first demanded for an accounting for P40M, but until now, none has been made. Mas matino pa ‘yung Thai partners. But all I asked was because nakapangalan kay Voldemort—‘yun na lang pangalan natin sa kanya, The Name That Cannot Be Mentioned—ayaw ibigay sa akin.

“’Yun lang naman hiniling ng lawyers ko, eh. Ayaw ibigay sa akin ‘yung transfer para ilagay sa mga pangalan ng mga bata. Ganun ka-selfish.”

Humingi rin daw si Kris ng financial report hinggil sa kanyang investment, pero hindi umano ito ipinagkaloob sa kanya ni Nicko.

“Pera ko ‘yun—pinaghirapan, tax paid—ayaw ibigay. He refused to make an accounting. His camp has sent several offers to settle with my camp. Every time documents were requested, wala, negotiations failed.

“Obviously such efforts are made in bad faith and meant to stall legal efforts for us to get accounting of the P40M of my children.”

Ayon kay Kris, ang money issue na ito ay hiwalay sa pormal na reklamong 44 counts of qualified theft na isinampa niya laban kay Nicko.

“You were asking me bakit ‘di ‘yun isinampa sa kaso? Because kung alam n’yo ang legalities, hindi n’yo nilalagay sa kaso because you want to recover that money,” paliwanag ni Kris.

Humarap si Kris sa Instagram Live makalipas ang halos 18 oras makaraang aminin niya sa isang IG post na siya ang babae sa kumalat na audio recording ng phone call nila ni Nicko.

Naganap ang phone call na iyon noong September 27, 2018, habang nasa Thailand si Nicko at nasa Pilipinas naman si Kris.

Base sa leaked audio, pinagbantaan ni Kris si Nicko na sa oras na bumalik ito sa Pilipinas ay “ipapapatay” ng pamilya ng actress/TV host/web star ang accountant/brand marketing expert/entrepreneur.

Inamin ni Kris na nakarating ang leaked audio sa kapatid niyang si Ballsy Cruz at “nanginig” at “natakot” daw ito sa narinig.

“But then, she said nag-mass siya kanina, and somehow she felt relieved kasi andami pa rin naming kaibigan who reached out.”

Humingi ng dispensa si Kris sa mga kapatid niyang sina Ballsy, Viel Dee, Pinky Abellada, at dating Pangulong Benigno “Noynoy” Aquino III. Ito ay dahil nadawit ang kanilang pamilya, gayong walang kinalaman ang mga ito sa personal niyang isyu.

“I also know what I said in the recording, but I knew enough that you can all be blameless if from September 27 there are absolutely no pictures with me. Most of all, I wanted to protect N’s legacy. Your baby sister is far from perfect. She is only too human.”

“I threatened so they are retaliating with the help of backers, so all is fair. And I shall defend and protect.

“Again, my wholehearted sorry for doing damage to our name. Mom and Dad didn’t deserve this. None of you deserve this.”

Si Kris ang bunso sa limang anak nina dating Pangulong Corazon “Cory” Aquino at dating Senador Benigno “Ninoy” Aquino Jr., na kapwa pumanaw na.

Kasabay ng pag-amin ni Kris sa kanyang pagbabanta kay Nicko sa phone call, nilinaw niyang wala siyang intensiyong totohanin ito.

Paniniwala ni Kris, ginagamit lang diumano si Nicko ng malalaking tao sa mundo ng pulitika upang siraan siya.

“But this had to do with 2022. Alam ko naman sila ang pumopondo sa trolls now backing Nicko. Hindi nila nagi-get, I’m not healthy enough for 2022.

“But let’s be honest, sa ginawa n’yo sa akin magpapalakas ako. Humanda kayo. Pero, ‘di ba, ganun ‘yun? Turo ng dad ko, ‘Don’t tell them your plans, just do it.’ So, humanda kayo. Magpapalakas talaga ako.

“The Falcis family don’t realize they’re just pawns. They are expendables being used by bigger political powers.”

Kinuwestiyon din ni Kris kung bakit hindi pormal na nagsampa ng reklamong grave threat si Nicko kung talagang ikinatakot nito ang nasabi niya sa kanilang phone call.

“It’s now January 2019, he waited 110 days. Kung grave threats talaga ‘yun, the very next day sana kinasuhan mo na ako. Sasabihin n’yo, he’s in another country? Lawyers said, all he had to do was file an affidavit. He did not.”

Basa ulit ni Kris sa opisyal na pahayag ng kanyang mga abogado: “How credible is that? It is obviously a mere afterthought after several motions to delay his criminal cases. They were denied by the prosecutors office.

“Nagkamali ako sa simula, and inaamin ko ‘yun, and I apologize. Nagkamali ako sa tindi ng galit ko, dahil nung panahon na ‘yun, my son is breaking down,” post pa ni Kris, tinukoy ang bunsong si Bimby.

Ikinatakot daw ni Bimby ang auto-immune disease ni Kris, na sinabi ni Kris ay na-trigger ng isyu nila ni Nicko.

“Sinasabi niya, why am I blaming it on him? Because six months prior to that, I was okay. Do the research. Auto-immune can stay dormant. But any stressful situation, lalabas ‘yan. Kahit sinong doctor, sasabihin ‘yan.”

Sa huli, nanindigan si Kris sa reklamong 44 counts of qualified theft na isinampa niya laban kay Nicko.

Ayon kay Kris, ang pag-isyu ni Nicko ng tsekeng nagkakahalaga ng P400,000 ay patunay lang daw ng kasalanan nito.

“Nagbigay siya ng P400,000 check acknowledging that he did abuse company funds. Whether that is P4,000 or that is P14,000 or P40,000, nagnakaw ka. Give me a break.”

Basa ulit ni Kris mula sa pahayag ng kanyang mga abugado: “This shows that Nicko acknowledged that he has an obligation to pay. It is an admission against his interest. The question is what is Nicko doing to repay the remaining balance?”

Mensahe pa ni Kris kay Nicko: “Kung galit ako, karapatan ko ‘yun... You stole my money. It’s not enough for you. You also stole my life.”